С.Ерубаев атындағы шағын жинақты жалпы білім беретін мектеп
Ресми интернет-ресурс

Жаңалықтар

"Адал азамат, зерделі ұлт және жауапты қоғам қалыптастырудың негізі "

🔔"Адал азамат, зерделі ұлт және жауапты қоғам қалыптастырудың негізі " 🔔
С.Ерубаев атындағы шағын жинақты жалпы білім беретін мектебінде 2026-2027 оқу жылында Білім күніне арналған «Қазақстан Республикасының Конституциясы: Адал азамат, зерделі ұлт және жауапты қоғам қалыптастырудың негізі» атты бірыңғай сынып сағаты өткізілді.
📅1 қыркүйек – Білім күні мектебімізде адалдық пен академиялық адалдық қағидаттарын насихаттауға бағытталған бірыңғай парасаттылық сынып сағаты ұйымдастырылды.
🎯 Іс-шараның негізгі мақсаты – өскелең ұрпақтың бойында адалдық, әділдік, жауапкершілік, ашықтық және академиялық адалдық құндылықтарын қалыптастыру, білім алушыларды өз еңбегін бағалауға және білім алудағы адалдық қағидаттарын сақтауға баулу.
📖 Сынып сағаттары барысында оқушыларға академиялық адалдықтың маңызы түсіндіріліп, көшіріп алу, дайын жұмысты пайдалану, өзгенің еңбегін иемдену сияқты әрекеттердің білім сапасы мен жеке тұлғаның қалыптасуына кері әсері туралы айтылды.
💡 Сонымен қатар, адал еңбек пен сапалы білімнің әрбір адамның болашағы үшін маңызы кеңінен талқыланды.
🤝 Мұндай іс-шаралар білім алушылар арасында парасаттылық мәдениетін қалыптастырып, қоғамдағы адалдық құндылықтарын нығайтуға және өскелең ұрпақты жауапкершілікке тәрбиелеуге бағытталған.
🌟 Адалдық – адамдықтың негізі, академиялық адалдық – сапалы білімнің кепілі!

Абай – Дана, Абай – Дара Қазақстанда

Абай – Дана, Абай – Дара Қазақстанда

Абай – Дана, Абай – Дара Қазақстанда»
10 тамыз – Абай күні қарсаңында ұйымдастырылған байқауға С.Ерубаев атындағы шағын жинақты жалпы білім беретін мектептің 6-сынып оқушысы Арыстанбек Жансая қатысып, ұлы ақын Абай Құнанбайұлының «Өлең – сөздің патшасы, сөз сарасы» өлеңін мәнерлеп оқыды.
Жансая Абайдың тағылымды шығармасын нақышына келтіре орындап, ақын мұрасын дәріптеп, өз өнерін көрсете білді.
Жансаяға шығармашылық шабыт, өнер жолында биік белестер тілейміз!
Абай мұрасы – ұрпаққа аманат! ❤️

БІЛІМДЕГІ БИІК НӘТИЖЕ – ЕҢБЕКТІҢ ЖЕМІСІ!

🏆 БІЛІМДЕГІ БИІК НӘТИЖЕ – ЕҢБЕКТІҢ ЖЕМІСІ! 🎓
Мектебіміздің білім сапасы мен шәкірттеріміздің жетістігі тағы бір мәрте өз нәтижесін көрсетті!
🥇 ҰБТ-2026 нәтижесі бойынша мектебіміз аудан көлемінде І орынға ие болған, тағы сүйіншілейтін қуаныш– биылғы оқу жылында мектеп бітіруші түлектеріміздің 100%-ы жоғары оқу орындарына оқуға түсіп, студент атанды! 🎉👏
Бұл жүйелі жұмыстың және ортақ мақсатқа жұмылған ұстаз, оқушы, ата-ана еңбегінің нәтижесі.
Құрметті түлектер! ❤️
Сіздерді осы айтулы жетістіктеріңізбен шын жүректен құттықтаймыз! Алдағы студенттік өмірлеріңіз сәттілікке, ізденіске және жарқын жеңістерге толы болсын. Таңдаған мамандықтарыңыздың білікті маманы болып, ел игілігіне қызмет ететін азамат болуларыңызға тілектеспіз!
Ұстаздарымызға – еселі еңбектері үшін, ата-аналарымызға – қолдауы мен сенімі үшін алғысымызды білдіреміз! 💐

1 СЫНЫПҚА ҚАБЫЛДАУ ЖҮРІП ЖАТЫР

1 СЫНЫПҚА ҚАБЫЛДАУ ЖҮРІП ЖАТЫР
ҚАЖЕТТІ ҚҰЖАТТАР ТІЗІМІ
• Ата-ананың немесе заңды өкілінің өтініші
• Nº065-2/у нысанындағы денсаулық, жағдайы туралы анықтама
және Nº052-2/у нысанындағы баланың денсаулык паспорты.
• Өлшемі 3*4 см сурет (2 дана)
Құрметті ата-аналар!
Құжаттарды тапсыруды соңғы күндерге қалдырмай,
балаңызды мектепке беруді алдын ала ойластыруға шакырамыз!
ҚАБЫЛДАУ УАҚЫТЫ: 29 МАУСЫМ - 31 ТАМЫЗ
Өтініш демалыс жане мереке күндерді қоспағанда,
дүйсенбі-жұма аралығында қабылданады.
Біз сіздерді күтеміз!

Қуанышты жаңалығымызбен бөлісеміз!

🎉 Қуанышты жаңалығымызбен бөлісеміз!
Мектебіміз ҰБТ нәтижесі бойынша аудан көлемінде 89,4% көрсеткішпен І орынға ие болды! 🏆
Бұл – білімге деген қажырлы еңбек пен бірлескен ынтымақтастықтың жемісі.
Осы зор жетістікке үлес қосқан барша ұстаздарымызға кәсіби шеберліктері, тынымсыз еңбектері мен шәкірттеріне деген жанашырлықтары үшін шынайы алғысымызды білдіреміз.
Сондай-ақ, балаларын әрдайым қолдап, мектеппен тығыз байланыста болып, сенім артқан ата-аналарымызға да ерекше ризашылығымызды жеткіземіз.
Біздің мақтанышымыз – білімді де талапты шәкірттеріміз! Баршаңызға еңбектеріңіз үшін рақмет! Алдағы уақытта да биік белестерді бірге бағындыра берейік!

Аттестат табыстау кеші – ұмытылмас сәт!!!

Аттестат табыстау кеші – ұмытылмас сәт!!!
Мектебімізде 9 және 11-сынып түлектеріне арналған салтанатты аттестат табыстау кеші жоғары деңгейде өтті. Бұл кеш – оқушылардың мектеп қабырғасындағы білім мен тәрбиенің жемісін көріп, үлкен өмірге қадам басар ерекше сәттердің бірі болды.
Мерекелік шара барысында оқушылар әсем ән шырқап, мың бұрала би билеп, мектептегі қызықты әрі әсерлі естеліктерімен бөлісті. Кеш қонақтары түлектердің өнеріне тәнті болып, көтеріңкі көңіл-күй сыйлаған жас өнерпаздарға зор ықыластарын білдірді.
Салтанатты жиында мектеп директоры Ж.Оспанов сөз сөйлеп, түлектерге ақ жол тіледі. Ол жас түлектердің алдағы өмір жолында биік белестерді бағындырып, елдің дамуына өз үлестерін қосатын азамат болып қалыптасуларына сенім білдірді. Биылғы оқу жылында мектеп түлектері жоғары жетістіктерімен қуантты. 11-сынып түлектері арасынан Сартай Толқын Сұлтанқызы мен Медеубек Балауса «Алтын белгі» иегері атанды. Сонымен қатар, Дүйсенбай Талшын үздік аттестатқа ие болып, оқу озаты ретінде марапатталды.
Ал 9-сынып түлектері арасынан Әділхан Нұрай мен Саттарханұлы Дінмұхаммед негізгі орта білім туралы үздік аттестат иегері атанып, өздерінің білімге деген жауапкершілігі мен табандылығын дәлелдеді. Кештің қадірлі қонақтары болған ардагер ұстаздарымыз да түлектерге жүрекжарды тілектерін арнап, ақ баталарын берді. Олардың жылы лебіздері мен өмірлік тәжірибеге толы өсиеттері жас буынға ерекше әсер қалдырды.
Мерекелік кеш соңында түлектер ұстаздарына, ата-аналарына алғыстарын айтып, естелік суреттерге түсіп, қимастық сезіммен қоштасты.
Аттестат табыстау кеші түлектердің жүрегінде мәңгі сақталатын жарқын естелікке айналды. Біз барлық түлектерімізге жарқын болашақ, толағай табыс және биік белестер тілейміз!

ОТЫРАР АУДАНЫНЫҢ ТҮЛЕГІ ҰБТ- ДАН 135 БАЛЛ ЖИНАДЫ

📚ОТЫРАР АУДАНЫНЫҢ ТҮЛЕГІ ҰБТ- ДАН 135 БАЛЛ ЖИНАДЫ🏅
2026 жылғы ҰБТ қорытындысы бойынша Отырар ауданы Саттар Ерубаев атындағы шағын жинақты жалпы білім беретін мектептің оқушысы Сартай Толқын 135 балл жинады.
Бұл — ұстаздардың тынымсыз еңбегі мен ата-аналардың қолдауының, оқушымыздың табандылығының нәтижесі.
Дарынды түлегімізді шын жүректен құттықтаймыз!
Алдағы өміріне сәттілік, биік белестер мен толағай табыстар тілейміз! 🌟👏📚

4 маусым – Қазақстан Республикасының Мемлекеттік рәміздері күні

С.Ерубаев атындағы ШЖЖББ мектебі жанындағы жазғы сауықтыру лагерінде 4 маусым – Қазақстан Республикасының Мемлекеттік рәміздері күніне арналған танымдық іс-шара өткізілді.
Іс-шараның мақсаты – жас ұрпақтың бойына Отанға деген сүйіспеншілікті, мемлекеттік рәміздерге құрмет сезімін қалыптастыру, патриоттық тәрбие беру. Балалар Қазақстан Республикасының Туы, Елтаңбасы және Әнұраны туралы мағлұмат алып, түрлі танымдық ойындар мен викториналарға қатысты. Сонымен қатар, оқушылар көк Туымызды мақтанышпен ұстап, еліміздің рәміздеріне деген құрметтерін көрсетті.
Мемлекеттік рәміздер – Тәуелсіздігіміздің айғағы, елдігіміздің нышаны. Сондықтан оларды қастерлеу – әрбір азаматтың қасиетті борышы.
Тәуелсіз еліміздің көк байрағы әрдайым биікте желбірей берсін! 🇰🇿

Менің арманым – менің мүмкіндігім»

Менің арманым – менің мүмкіндігім» челленджі

1 маусым – Халықаралық балаларды қорғау күніне орай ұйымдастырылған «Менің арманым – менің мүмкіндігім» челленджі балалардың асқақ армандары мен жарқын болашаққа деген сенімін дәріптеуге бағытталды.

Әрбір баланың арманы – оның мақсатқа жету жолындағы алғашқы қадамы. Бүгінгі бүлдіршіндердің қиялы мен талпынысы ертеңгі ел дамуының кепілі. Сондықтан балалардың арманын қолдап, олардың қабілетін шыңдап, мүмкіндіктерін арттыру – баршамыздың ортақ міндетіміз.

Барша бүлдіршіндерді мерекемен құттықтай отырып, армандарыңыз асқақ, қадамдарыңыз нық, болашақтарыңыз жарқын болсын демекпіз! Әрқашан бақытты балалық шақтың шаттығын сезініп, биік белестерді бағындыра беріңіздер!

#БастауышпенҚоштасу

“Қош бол, бастауыш!

15.05.2026ж Саттар Ерубаев атындағы шағын жинақты жалпы білім беретін мектебінде бастауыш сынып жетекшісі Жумабаева Розаның ұйымдастыруымен 4-сынып оқушыларына арналған “Қош бол, бастауыш !” атты салтанатты ертеңгілік кеші жоғары деңгейде өткізілді.

Бұл кеш – бастауышпен қоштасып, білімнің жаңа белесіне қадам басқалы тұрған жас түлектер үшін ерекше де әсерлі сәт болды. Оқушылар өз өнерлерін ортаға салып, ән айтып, би билеп, көрініс көрсетіп,жүрекжарды өлеңдерін арнады. Сонымен қатар, ұстаздарына деген ыстық ықыластары мен алғыстарын білдіріп, ата-аналарына ризашылықтарын жеткізді.Ата-аналар мен ұстаздар шәкірттердің есейіп, жаңа белеске қадам басуына ақ тілектерін арнады.

Осындай тағылымы мол, тәрбиелік мәні зор шараны ұйымдастырған ұстаз Роза апайға алғыс білдіреміз!

Бастауышпен қоштасқан жас түлектерге сәттілік пен жарқын болашақ тілейміз!

#Қош бол, Бастауыш!

#МектепӨмірі

#БастауышпенҚоштасу

#С.Ерубаев Мектебі

#ЖарқынБолашақ

7-сынып жетекшісі Ұ. Құлтаева «Заң және Тәртіп» тақырыбында сынып сағатын өткізді

С.Ерубаев атындағы шағын жинақты жалпы білім беретін мектебінің 7-сынып жетекшісі Ұ. Құлтаева «Заң және Тәртіп» тақырыбында сынып сағатын өткізді.

Сынып сағатының мақсаты – оқушыларға заңды құрметтеу, тәртіп сақтау, құқық пен міндетті білу туралы түсінік беру, жауапкершілікке тәрбиелеу. Іс-шара барысында оқушылар заң мен тәртіптің қоғамдағы маңызы туралы ой бөлісіп, түрлі сұрақтарға жауап берді. Сонымен қатар, құқықбұзушылықтың алдын алу, мектеп ережесін сақтау және адамгершілік құндылықтарды дәріптеу бағытында түсіндірме жұмыстары жүргізілді.

Оқушылар белсенді қатысып, өз пікірлерін ортаға салды. Сынып сағаты жас ұрпақты адалдыққа, әділдікке және қоғамдық тәртіпті сақтауға тәрбиелеуде маңызды болды

«Мектебім, саған мың алғыс!»

«Мектебім, саған мың алғыс!» 🎓

25 мамыр күні С.Ерубаев атындағы ШЖЖББМ-де ерекше әсерге толы «Соңғы қоңырау – 2026» салтанатты іс-шарасы жоғары деңгейде өтті.

Бұл күн – мектеп қабырғасындағы қызықты сәттер мен жарқын естеліктерге толы оқушылардың алтын ұя мектебімен қоштасу күні. Салтанатты кеш барысында ұстаздарға, ата-аналарға және мектеп ұжымына шынайы алғыстар айтылып, түлектер жүрекжарды тілектерін жеткізді. 💐

Іс-шарада әндер шырқалып, әсерлі билер биленіп, мектеп өмірінен сыр шертетін естеліктер айтылды. Әсіресе, соңғы қоңырау үні барша жиналған қауымға ерекше толқыныс сыйлады. 🔔

Қадірлі түлектерге ақ жол тілейміз! Алдағы өмірлеріңіз жарқын жетістіктер мен биік белестерге толы болсын! ✨

2 ішінен 16 беті

Пайдалы ресурстар