25 мамыр күні С.Ерубаев атындағы ШЖЖББМ-де ерекше әсерге толы «Соңғы қоңырау – 2026» салтанатты іс-шарасы жоғары деңгейде өтті.
Бұл күн – мектеп қабырғасындағы қызықты сәттер мен жарқын естеліктерге толы оқушылардың алтын ұя мектебімен қоштасу күні. Салтанатты кеш барысында ұстаздарға, ата-аналарға және мектеп ұжымына шынайы алғыстар айтылып, түлектер жүрекжарды тілектерін жеткізді. 
Іс-шарада әндер шырқалып, әсерлі билер биленіп, мектеп өмірінен сыр шертетін естеліктер айтылды. Әсіресе, соңғы қоңырау үні барша жиналған қауымға ерекше толқыныс сыйлады. 
Қадірлі түлектерге ақ жол тілейміз! Алдағы өмірлеріңіз жарқын жетістіктер мен биік белестерге толы болсын! 
