«С. Ерубаев атындағы шағын жинақты жалпы білім беретін мектеп» коммуналдық мемлекеттік мекемесінде
30 қаңтар күні мектеп аға тәлімгері Нарбаева Ақеркенің ұйымдастыруымен 5–8 сынып оқушылары арасында «Жігіт сұлтаны – 2026» атты сайыс жоғары деңгейде өткізілді.
Сайыстың мақсаты – қазақ жігітінің бойындағы ұлттық құндылықтарды дәріптеу, қатысушылардың жан-жақты қабілеттерін дамыту, өнер мен білімді қатар ұштастыра отырып, оқушылардың шығармашылық және зияткерлік әлеуетін арттыру.
Сайыс 6 кезең бойынша өтті:
Бірінші кезең – «Тегін білу – тектілік» - бұл кезеңде қатысушылар өздерінің шыққан тегі мен отбасылық құндылықтары туралы таныстырылым жасады.
Екінші кезең – «Мен армандаған мамандық» - оқушылар жасанды интеллект көмегімен дайындалған бейнероликтер арқылы болашақ мамандықтарын таныстырды.
Үшінші кезең – «Көңілі ояу, көзі ашық» - білім мен тапқырлықты талап ететін сұрақ-жауап кезеңі болды.
Төртінші кезең – «Өнерлі өрге жүзер» - қатысушылар өз өнерлерін ортаға салды.
Бесінші кезең – «Нысанаға нық тигізу» - сайыскер жігіттер нысаны көздеудегі шеберлігін көрсетті.
Алтыншы кезең – «Шебердің қолы ортақ " -қолөнер бұйымдарын бейнеролик арқылы таныстыруға арналды.
Сайыс барысында оқушылардың білімділігі, өнері, ептілігі, шапшаңдығы мен ұлттық рухы айқын көрініс тапты. Әр кезең мазмұнды да тартысты өтіп, көрермендерге көтеріңкі көңіл- күй сыйлады.
Сайыс қорытындысы бойынша қатысушылардың өнері мен қабілеттері әділқазылар алқасының жоғары бағасына ие болды. Нәтижесінде келесі номинациялармен марапатталды:
«Креативті жігіт» – Алпысбай Нұрахмет.
«Шымыр жігіт» – Сәрсенбай Сүндет
«Алғыр жігіт» – Жаңабай Дархан
«Өнерпаз жігіт» – Жаңабай Асыл.
«Дарынды жігіт» – Сартай Дархан.
Ал сайыс барысында барлық кезеңнен жоғары нәтиже көрсетіп, ерекше көзге түскен Полат Асылхан бас жүлдеге ие болып, «Жігіт сұлтаны – 2026» атағын жеңіп алды.
Аталған тағылымды іс шара оқушылардың бойында ұлттық сана-сезімді қалыптастырып, ер азаматқа тән асыл қасиеттерді дәріптеуге, жас ұрпақты тәрбиелі, өнерлі, білімді азамат етіп тәрбиелеуге үлкен үлес қосты.
