«Көшбасшы – 2026» логикалық сұрақтар мен білім сайысы
С. Ерубаев атындағы шағын жинақты жалпы білім беретін мектебімізде
6–7 сынып оқушылары арасында «Көшбасшы – 2026» атты логикалық сұрақтар мен білім сайысы өткізілді. 
Сайыстың мақсаты – оқушылардың ойлау қабілетін дамыту, білімге деген қызығушылығын арттыру, жылдам әрі дұрыс шешім қабылдай білуге үйрету болды. 
Сайыс барысында қатысушылар түрлі логикалық тапсырмалар, қызықты сұрақтар, топтық ойындар мен білім бәйгесінде өз бақтарын сынады. Оқушылар белсенділік танытып, тапқырлықтары мен зеректіктерін көрсетті. 
Шара өте тартымды әрі әсерлі өтті. Қатысушылар ұйымшылдықпен жұмыс жасап, достық қарым-қатынасты нығайта түсті. 
Осындай танымдық сайыстар жас ұрпақтың жан-жақты дамуына үлкен үлес қосады деп сенеміз. 
