«Бала тәрбиесі – ортақ міндет: мектеп пен ата-ана ынтымақтастығы»
С. Ерубаев атындағы шағын жинақты жалпы білім беретін мектепте жаңа оқу жылының басталуына орай ата-аналар жиналысы өткізілді.
Жиналыстың негізгі мақсаты – мектеп пен ата-ана арасындағы өзара түсіністік пен ынтымақтастықты нығайтып, бала тәрбиесінде бірлескен жауапкершілікті арттыру.
Жиын барысында:
жаңа оқу жылындағы мектептің тәрбие жұмыстары мен маңызды мәселелер талқыланды; ата-аналар комитетінің құрамы сайланды; мектеп формасына қойылатын талаптар түсіндірілді; мектеп психологы тарапынан ата-аналарға бала психологиясы, балаға қолдау көрсету және отбасындағы қарым-қатынас туралы пайдалы кеңестер берілді; оқушылардың қауіпсіздігі, тәртібі, сабаққа қатысуы және ата-ана мен мектеп арасындағы байланыс мәселелері қаралды; ата-аналардың ұсыныс-пікірлері тыңдалып, түрлі мәселелер бойынша түсіндірме жұмыстары жүргізілді.Жиналыс барысында ата-аналар өздерін толғандырған сұрақтарын қойып, мектеп әкімшілігімен пікір алмасты.
Бала тәрбиесі – тек мектептің немесе ата-ананың ғана емес, баршамызға ортақ жауапкершілік. Балаға дұрыс бағыт беріп, қолдау көрсету арқылы ғана саналы, тәрбиелі, жауапты тұлға қалыптастыра аламыз.
Мектеп пен ата-ана бірлесе әрекет етсе – бала болашағы жарқын!
